مرحبا بالجميع ،، من فضلك لحظه من وقتك

السلام عليكم ورحمه الله وبركاتــه

أسمحولي ان أفتح نقاش مع الأعضاء الأفاضل بالقسم هنا

لوضع حد لمشاكل الأقسام الخاصه بكونكر بشكل عام ..

اولا احنا عارفيين المشاكل الي بتقف قدمكم في الأقسام

وخصوصا في قسم الطلبات الخاصه بكونكر تهيس ..

وبنحاول وهنفضل نحاول دائما نحل المشكله دي ونعين ناس تقدر تفيدكم اكتر ... وناس خبيره

اهم حاجه والمطلوب منكم .. أنكم تقفو جمبنا دايما ...

ازاى ..؟

اولا بالصبر والعطاء .

اوعي تبخل بمعلومه عن اى شخص محتاج مساعده في المنتدي

لو تقدر تساعده رد عليه وساعده علي قد متقدر

طيب انتا هتستفيد ايه ؟؟؟

بكل بساطه وأختصار
الشخص الي انتا هتساعده ده هيعرفك وهيقدرك
ولو ساعدته مره تانيه هيحبك اكتر

تخيل بقي لو انتا ساعدت مثلا 10 أشخاص ... شوف بقي كام واحد هيحبك اكتر ...!!

او لو انتا محتاج مساعده المطلوب منك انك تصبر ...

وتحط مشكلتك بشكل واضح

واهم حاجه تحط عنوان صح لمشكلتك عشان الناس الي عارفه المشكله دي تدخل تساعدك فورا

يعني مثلا

لو كتبت في عنوان موضوعك

مشكله ارجو الحل

مفيش حد هيدخل غير قليل جداا بنسبه 5 % عشان مش عارف ايه المشكله اصلا وهوا يقدر يحلها ولا لا

انما لو كتبت في عنوان الموضوع

مشكله في صفحه التسجيل باتش 5065
ده مثال طبعا فقط

هتلاقي الناس المتخصصه في صفحات التسجيل هتدخل وهتساعدك اكيد ....

ياريت ياجماعه تقفو معانا بمعني الكلمه

ومش تكتفو فقط بالشكاوي

انتا بدام سجلت معانا في المنتدي

يبقي اكيد بقيت مسؤال

فياريت تراعي النقطه دي ...

واى اسئله او اقترحات انا تحت امركم